ورلڈ ٹیسٹ چیمپیئن شپ (2025-23)میں پاکستان بھارت کے ساتھ نمبر1 کی سیٹ پر براجمان
ورلڈ ٹیسٹ چیمپیئن شپ (2025-23) کی اسٹینڈنگ میں جولائی تک پاکستان بھارت کے ساتھ مشترکہ طور پر پہلے نمبر پر موجود ہے۔ پاکستان نے جمعرات کو گال میں کھیلے گئے پہلے ٹیسٹ میچ میں سری لنکا کو چار وکٹوں سے شکست دے۔
131 کا فتح کا ہدف پاکستان کے لیے محض رسمی تھا، اس حقیقت کے باوجود کہ سری لنکا آخری صبح تین وکٹیں حاصل کرنے میں کامیاب ہو گیا کیونکہ لنچ سے قبل رنز کا کامیابی سے تعاقب کیا گیا۔
امام الحق (50*) اور آغا سلمان (6*) ناٹ آؤٹ رہے کیونکہ میچ کے اختتام پر پاکستان نے اپنی نئی ورلڈ ٹیسٹ چیمپئن شپ مہم کا بہترین آغاز کیا۔
سری لنکا کے خلاف پیر کو کولمبو میں شروع ہونے والا دوسرا ٹیسٹ میچ جب پاکستان اپنے ناقابل شکست ریکارڈ کو برقرار رکھنے کی کوشش کرے گا۔
اس سے پہلے بابر کی ٹیم حالیہ ورلڈ ٹیسٹ چیمپیئن شپ فائنل (2021-23) کے لیے کوالیفائی کرنے سے محروم رہی تھی، جب آسٹریلیا نے گزشتہ ماہ اوول میں فیصلہ کن میچ میں بھارت کو شکست دی۔