آئی سی سی ٹرافی کی خلا میں نقاب کشائی کی گئی
نیودہلی (مانیٹرنگ ڈیسک) اس سال اکتوبر میں بھارت میں ہونے والے آئی سی سی کرکٹ ورلڈکپ 2023 کی ٹرافی کی خلا میں رونمائی کی ویڈیو جاری کر دی گئی۔
بھارتی کرکٹ بورڈ کے سربراہ جے شاہ کی جانب سے ٹوئٹر پر آئی سی سی ورلڈکپ ٹرافی کی خلا میں رونمائی کے ساتھ کیپشن لکھا۔
کرکٹ ورلڈکپ 2023 کی ٹرافی کی دنیا سے باہر خلا میں رونمائی کی گئی، کسی بھی سپورٹس ایونٹ کی پہلی آفیشل ٹرافی ہے جسے پہلی بار خلا میں بھیجا گیا ہے۔
سربراہ بھارتی کرکٹ بورڈ کی جانب سے جاری ویڈیو میں بتایا گیا ہے کہ ٹرافی کو ایک لاکھ 20 ہزار فٹ کی بلندی تک لے جایا گیا جہاں پر درجہ حرارت منفی 65 ڈگڑی سینٹی گریڈ تھا، ٹرافی کا 99 اعشاریہ 5 فیصد حصہ زمین کے مدار سے باہر تیرتا رہا، ٹرافی کو بھارت کے نریندرا مودی کرکٹ سٹیڈیم میں اتارا گیا۔
بھارتی میڈیا کے مطابق ورلڈ کپ 2023 کے شیڈول کا باضابطہ اعلان کل برور بدھ کر دیا جائے گا۔
کرکٹ ورلڈ کپ ٹرافی 31 جولائی سے 4 اگست تک پاکستان میں بھجوائی جائے گی۔